انا عايزة مساعدة ضرورية انا بحب ومش ارفة اعمل اية

انا يا جماعة وبكل اختصار حبيت ولد من على النت واعرفة من خمس شهور بس بجد حبيتة جدا وهوة بقى الله واعلم انا نفسى اعرف اية شعورة بس مش عارفة اكلمة فى الموضوع دة ازاى بليز لو حد يعرف اعمل اية يرد عليا ومستنية ردودكم يا اجمل ناس ومستنية حد يحكيلى عن حبة هوة كمان

بجد انا مجرب الاحساس ده بالذات لما يكون على النت

انا اسف لو كنت بارد فى ردي شوية

انا ليه اخت برضه
صدقيني حاولى تعرفى عنه كل حاجة بجد

واعتبريني اخوكى انا تحت امرك ممكن اتعرف عليه كويس وكمان اسعدك وقولك رأيي لأنى ما قدر احكم على حد من غير ماشوفه

بس امانه عليكي ما تنسيش ربنا

وان شاء الله ربنا يكرمك

انا تحت امرك وبطل برضه من اخوتنا فى المنتدي يشاركونا

سيتم النقل اللى قلبى يا ناس
علشان كل الناس تررررررد
خلى واحدة ما بنكم تحاول تعرفلك شعورة

بتهيئلى لازم يبقى منك لية ميكونش فى وسطة لان الحب بيجمع بين اتنين مش تلاتة ولما يدخل طرف تات صدقينى الموضوع هيتفشكل

روحي كلميه حاولي
عارف انو صعب بس حاولي

عارفة لو هو بيحبك هايقول استنى
ولما يصارحك ابقى قولى له

انا هقولك انت صغيرة جدااااااااااااااااااااااااااااااا
والحب على النت حاجة
والحب فى الواقع حاجة تانية
انت ايه اللى عارفك انه مش مرتبط با انسانة
النت مش كل واحد بستعمل النت بيكون واقعى
ممكن يخلق لنفسه صورة تعجبك
والحقيقة مش هتعجبك
انسيها وسيبى الواقع والقدر يجب انسان واقعى
وربنا هو اللى بيكتب القدر والنصيب
واكيد هو بيختار الشئ الجميل لينا
وانت بنوتة رقيقة واكيد لسه هنقبلى
ناس كتير
----------------------------------------
وربنا يسعدك ويوفقك

عندك حق يا ايمي

بجد انا نفسى متزعليش من ردى بس بجد مش مؤمنة بالحب من على النت خالص ازاى ممكن تحبى بنى ادم كل معلوماتك عنه هو اللى قايلها متعرفيش هو صادق ولا كداب صريح او بيلف ويدور عليك مش معنى انك بنوتة رقيقة ولطيفة ومش بتكدبى ان كل الناس زيك بالعكس يمكن الشات ده اكتر وسيلة موجودة الانسان بيغير فيها شخصيته زى ما هو عايز معظمه كدب ووسيلة صيد للبنات الصغيرين اللى زيك اللى بيتعاملوا ببراءة وصدق مع الموضوع وبيحبوا ويفكروا ويسرحوافى انسان ممكن اصلا بيكلم10 بنات فى نفس الوقت ب10 شخصيات مختلفةانتى ممكن تقولى انى مبالغة وان فى ناس كويسينعلى الشات حقولك اوك فعلا فى ناس كويسين بس انتى حتعرفى منين انهم كويسين لو عاملت الكويس وحش مش حتخسرى كتير لكن لو عملت الوحش كويس ووثقتى فيه هى دى المصيبة فكرى كويس قبل متاخدى خطوة تندمى عليها وربنا يوفقك يا رب ويسعدك

بصي اولا ممكن تسأليه انا بالنسبالك ايه و متزعليش مني الحب على النت كتير منه مش بيبئى حقيقي بصي انا بحب زميلي في الكليه بس هو مش حاسس مع اني ام بكلمو على النت بيؤلي حجات تدل على انه بيحبني بس انا مش مقطنعه باللي بيؤلو على النت منم راي كلميه و اتي بسصه في عينه ا كيد هتعرفي هتحسي يعني بحبه ان شاء الله يطلع بيحبك

انا مع مشمشة في الرد انا مش مؤمن ان في حب من على النت انتي ممكن تكوني معجبة بكلامه انما مش يمكن اما تشوفيه وتعقدي معاه تغيري رايك فكري كويس عشان مش تتصدمي وانا اسف في ردي............

نصيحة نفضى للحب ده حب الحب عمتا مش بيأكل عيش ومافيش حاجة اسمها حب اصلا دلوقتى هيبقى فى حب من على النت واسألى مجرب يعنى فى قصص الحب الى من على النت دى كتير اوى وانتى لسه صغيرة وبلاش ت--------------------------ى نفسك فى وهم عيشى سنك وسيبى الحب لوقته بلاش شغل مراهقة اوكى

احنا بقيني عايشين فى زمن مفيش فيه كلمة الحب
بقيني عيشين فى زمن المظاهر الخداعه و الفلوس
ربنا يرحم الحب

السلام عليكم انا ياجماعه مشكلتي مختلفه شويه انا مكنتش باعترف بالحب من ع النت بس انا اتعرفت علي واحد وكان معرفه عاديه جدا بين ولد وبنت وكان كل كلامنا هزار ومن ناحيته كمان كان زيي بالظبط وعرفته علي اخواتي وبقينا كلنا اصحاب ونسال علي بعض وكل حاجه زي اي حد وفجأه بدا يعجب بيا وانا ف الاول كنت بتهرب منه بس حسيت انه حد كويس المهم قولتله انا عايزه اشوفك قابلته انا واختي وواحده صحبتي بجد اكتشفت انه ف الحقيقه احن واطيب حد انا قابلته ويمكن بان ع الطبيعه اكتر لدرجه اني بحكي معه الان وبعتبره حد انا عرفته من بره النت وهو كمان زيي بالظبط المهم قرر انه يتقدملي وفعلا اتقدملي بس امي كلمته بطريقه مش كويسه شويه يمكن خوفها علينا واننا بنات كلمته بنبره شك بس انا امي كده ع طول حتي معانا مش بس كده وانا مش عارفه اعمل ايه انا ات--------------------------ت بيه جدا وهو كمان وفعلا انا حاسه اني هكون مرتاحه معاه وصعبان عليا الي امي عملته فيه ومش عارفه اعمل ايه انا متمسكه بيه جدا حد يقولي اعمل ايه انا بينه وبين ولدتي ياريت تساعدوني بجد والسلام عليكم ورحمه الله