محتاجة للمساعدة

انا عندى مشاكل كتير و عندى اسئلة و كنت محتاجة اجابتكه و مساعدتكه
انا تعبانة اوى انا حبيت صاحبتى و ماتت و انا مش عارفة انساها لانها كانت حياتى كلها و كل يوم يحصل حاجة تفكرنى بيها اكتر و اكتر و حسيت ان الدنيا سودا اوى حسيت انها بتاخد كل حاجة حلوة انا كان سؤالى هو انا اللى غلط و انا اللى ساذجة انى مش عارفة انسى و لا انا اللى عبيطة علشان لما بحب حد بحبه بجد ؟؟ هل دة عيب فى الانسان اللى عايش فى الدنيا بتاتنا دى

اما الحاجة التانية انا كنت زمان بقول ان الحياة من غير حب تبقى عذاب و انا جربت الحب و انا واثقة انى بحب الانسان دة اوى اوى و انه بيحبنى و بيخاف عليا جدا و هو انقذنى اكتر من مرة بس المشكلة لما اهلك يعترضوا على الحب دة و هما ميعرفوش اى حاجة عن الموضوع غير انك بتحب ميعرفوش مين الانسان دة و عمل ايه علشانك و انا بصراحة فكرت فى الانتحار مرة و هو اللى انقذنى و انا عايشة علشانه مش علشان اى حاجة تانية و مش عارفة المفروض انى اكمل قصة حبى معاه و لا المفروض انى اسيبه علشان اهلى عايزين كدة بس اللى انا عرفاه انى لو سبته ممكن اموت لانى مش حستحمل بعد و فراق حد عزيز عليا تانى

و اخر حاجة انا كنت محتاجة منكم نصيحة علشان ابعد عن الناس انا مش عايزة احب حد او اتعلق بيه او حد يتعلق بيا انا مش عايزة اتعذب علشان حد او حد يتعذب علشانى لان اكيد حيجى اليوم اللى حنسيب بعض فيه لو كان برضانا او غصب عننا

و يا ريت مكنتش طولت عليكه او خنقتكه بمشكلى
هل الحب احساس و فرح و لا الحب عذاب و جراح؟؟؟؟؟؟؟؟؟

على فكرة انا رديت عليكى

وقلتلك على الحل الوحيد الى لازم تعملية

اوك

اهلا بك noutymena

انا لقيتك مشاركه معايا حبيت اشارك في موضوع

ليكي واخترت (قلبي ياناس) ،،، الف سلامة لقلبك

ابنتي الغاليه ،،، الموت قدر ليس لنا دخل به ولا يمكن

لنا إلا قبوله ،،، واكيد الموت انتقال لحياة أفضل ،،،

نفقد أحبائنا وليس بمقدورنا سوي الدعاء لهم وبر من يحبونهم

الحياة ابنتي الغالية مزدحمة بالمتغيرات ليس لها ثبات

والإنسان يجب أن يتحلي بالمرونه ليحسن التعامل مع كل

أمر جديد ،،، دي خبرات نكتسبها بمرور السنين ،،، نحن

لا نولد بها ، نتعلمها من المقربين لنا الأهل والجيران

والأصدقاء ،،، الدنيا ممكن تاخد منا حاجات كتير بنحبها

لكن احنا مانستسلمش لأننا حنلاقي حاجات تانية كتير نحبها

ابنتي الغالية ،،، مفهوم الحب زي كل حاجة في الدنيا

بيختلف مع تقدم السن الطفل اول مايتولد بيحب امه لأنها

مصدر حياته وبعدها يحب اسرته الصغيرة ماما وبابا واخواته

وأسرته الكبيرة وفي سن المدرسة بيحب زمايله ومدرسيه

وهكذا ،،، ويكون دليلنا دايما إن أي حاجة نخفيها عن ماما

وبابا ونحب الناس متعرفهاش تكون غلط ،،،

الإنسان المتفهم للحياة ميموتش علشان فراق حد ،،،

خلال مراحل عمرنا ياما نلتقي بناس ونفارق ناس ونحب

ناس ونكره ناس ،،، الإنتحار هروب وعدم مقدرة علي

مواجهة الحياة اللي 6 مليار بني آدم غيرنا عايشها

ابنتي الغالية ،،، لاتتعجلي الأحداث ولا تسابقي الزمن

فلكل حدث أوان ،،، ويجب ان يكون كل تصرف يقوم

به الإنسان مبررا وله أسبابه وله توقيته ،،،

ربنا خلق الناس ليتعاونوا ولا يستطيع انسان أن

يعيش وحيدا منفردا ،،، لأن الإنسان مخلوق إجتماعي

يعيش في مجتمع مع بني آدمين غيره ،،، يتعاون معهم

ويتعايش معهم ويحبهم لتستمر الحياة ،،، يبدأ هذا المجتمع

بالأسرة الصغيرة (الأب والأم والأخوات) ويتسع تدريجيا

ليشمل الأقارب والجيران ، وأهل الحي ثم المدينة والبلد

والوطن ثم يزداد اتساعا مع اتساع الفكر ليشمل العالم كله

وفي مرحلة من مراحل العمر ترتبط باستكمال الدراسة

والنمو الفكري والنفسي والقدرة علي الإعتماد علي

النفس لكسب العيش نجد أننا بحاجة إلي ذلك الحب

الذي يكون دافعا لتكوين اسرة صغيرة جديدة من

زوج وزوجة يرزقهم الله بالبنين والبنات

مرسى ميلودى ليك بس هل معنى كلامك انى لازم ابعد عن الانسان اللى بحبه ؟؟؟؟؟؟؟؟ بس لو كان دة معنى كلامك الفراق صعب اوى و انا مقدرش اجرح قلب حبنى مقدرش اعذبه انا لو فكرت انى ابعد حيبقى بفكر فى نفسى مفكرتش فى واحد خبنى و معرفش هل يقدر يبعد عنى و لا
و شكرا ليك مرة تانية

على فكرة انا كنت متوقع انك هتردى على كل الى بعتلك وعلى العموم شكرا

مرسى ليك انت و على فكرة انا ايميلى بتاع الماسنجر فى مشاكل و مبيفتحش علشان كدة مش عارفة افتح خالص و عموما سورى لو ضايقتك و مرسى ليك تانى

أهلا بك ابنتي الغالية noutymena

حرصت في ردي علي موضوعك اني ابين لك الحقائق

كما أفهمها ،،، لكني لا افرض عليكي تصرف معين

انا مقلتش ابعدي أو ماتبعديش ،،، انا مجرد معين لك

حتي تتخذي انتي التصرف طبقا لفهمك للرد كله علي

بعضه ،،، وتصرفك انتي اللي تتحملي مسئوليته ،،،

كل اللي عملته اني أوضحت لك طبيعة الحياة اللي احنا

عايشينها ،،، وانتي عليكي تفكري ماهو التصرف الصح

بالنسبه لك وتختاري هل تنشغلي بتنمية شخصيتك

وثقافتك ودراستك ولا تقعدي تحزني علي فقد صديقة

لا تستطيعي استعادتها وتفكري في حب لافائدة منه ولم

يحن أوانه والضرر منه مؤكد ،،، فكري بعقلك واتخذي

قرارك بنفسك لأنك مسئولة عنه أمام أسرتك والمجتمع

وقبلهم أمام الخالق جل وعلا ،،، وختاما ادعو الله

ان يحافظ عليكي وأن يلهمك الرأي الصائب ،،،

انا ارسلت لك هذا الرد وانا تقريبا عشت نفس تجربتك
ولاكن تغلبت عليها والحمد للله واقول لك الانتحار
ليست وسيلة لنسيان وانما هي تهرب لعدم القدرة على
المواجهة وساقول لك كيف تغلبت على هذه المحنة الصعبة
لعل وعسى يمكنك الاستفادة منها اول شيء واهمهم الدعاء
دعاء الله سبحانه وتعالى على الهداية نحو الطريق الصائب
اما النصيحة الثانية الاستماع الى الناس اللذين لديهم خبرة في
هذه الحياة
كما يقال في احد الامثال عندنا في الجزائر '' استمع الى الراي اللذي يبكيك و لا تستمع الى الراي اللذي يضحكك فانه يضحك عليك''
اما النصيحة الثالثة فهي ثقي بنفسك و ضعي هدفا نصب عينيك
هو انك ستتغلبين على هذه المحنة ان شاء الله باختصار النصائح
اللتي تغلبت بها على محنتي اللتي اراها مشابهة لمشكلتك
واخيرا الحيات نعمة من عند الله فيجب علينا المحافظة عليها
احوك وصديقك عبد الوهاب وارجوا ان لا اكون قد اكثرة عليك
الى اللقاء

اول حاجه فى صحبتك انه مش عيب انك تحبى حد بجد وتخلصيله ده كويس ومش بنقولك انك تنسيها خليكى فكراها بس تفكرى فى نفسك شويه والا بيروح مش بيرجع وتانى حاجه الموضوع بتاع الشخص الا انتى بتحبيه محدش بيتجوز غصب عنه وطالما هو كويس وعايزك هيعمل علشانك اى حاجه